كتابات أخرى للكاتب على موقع الناس

السبت 30/8/ 2008

وقفة على قبر اِمرأة اِسمها .. س حسين جهيد الحافظ الصبر بي صبر ما أگدر أوصافه صبر بدوي وعليه اِيزود أكثر مو صبر تعبان أكابر والحزن بي حزن معدان صلف گلبي ومن كثر الصلافه البيه دامن ... سلوته النسيان وگف جدمي اِعله گبرچ وگفة التايه أظنه مو صدگ حلمان اِشكثر واِشگد صلف ثاريه وكيح وقاسي بالمره يحسبالي اِذا صدفه اِو وصل كبرچ يطگ لاگات مو يقره مره الفاتحه ومره يطش ماي وعطر واِبخور واِخضيره أبد مو گلبي هذا ... ولا ... أظن هذا گلب غيره سميره..... !!!! عاشت الأسماء يالاِسمچ سميره طيبة ذات للصاحب سميره اِشلون اِينام من فارگ سميره غطاه اِهموم ووساده المنيه وعلى اِجفونه الحلم مصلوب ترچيه اِيتلاوه اِويه السهر واِيلاوي چف الليل واِيناطر تذبح ليله صبحيه الصبح سافربعيد .. بعيد اِبكد بعد البعد ما بين بين الموت والدنيه وتمر اِسنين عمري اِسنين تمر اسٍنين منسيه ويظل طيفچ ......!!! رغم بعد المسافه وزحمة الأحلام ندي ولحظات ورديه وحزن بي ... حزن شاعر أبوذيه سين ....... وميم ياء .... وراء والهه عزيزه واِبهواهه الروح ولهه اِشمريد أنسه وأسلي الگلب والهه أرد لن المحبه ذيچ هيه أرد واِنت .... هذيچ اِنت - رغم - طول السفر واِمفاركچ ليه أ شوفن بيچ .. روحي اِتذوب حنيه وأظل آنه هذاك آنه الصبر بي ... صبر بدوي ....... وأمل حلمان ورغم يمشي العمر أدري عمرررررر تعبان يظل بي ..... الحزن بي حزن معدان ما يخلص حزنننننننننن معدان