كتابات أخرى للكاتب على موقع الناس

الأربعاء 30/3/ 2011

مع أغاني الحزب حسين جهيد الحافظ   يا فهدنه الحلم ذاك الرسمته اِبهمة اَضنونك نياشين اِعله صدر الگاع بعد بيه الأمل يسري اِو ضوه اِعيونك وصلر اِلكل سفينه اِشراع وبعد شوگ الفقير وحبه مجنونك ملگه وما يحب اِوداع يشد الحيل من حيلك يطگ فرحه ويخضر عيد (( سنمضي .. سنمضي إلى ما نريد وطن حر وشعب سعيد )) ** * ** يا فهدنه حزبنه اِيلاوي چف الموت بعده وغيرتك هوه وبعدنه اِعله المنيه اِنفوت واحدنه صگر شلوه وبعده الصوت ذاك الصوت يتگط بالوفه اِمروه وأغانينه بعدهي بيك تتغنه (( حزبنه ... سالم حوبنه ما همته النكبات سالم حوبنه )) ** * ** يا فهدنه بعدهي اِچفونه بيضه وبعدنه للفقير اِلحاف وبعد فيض الصدگ فيضه نبع مايه ترف شفاف وبعده الحاقد اِبغيضه من طاري الشيوعي اِيخاف وبعده الحيل ذاك الجيل بينه وغيرتك عالي ((السجن الًي مفخره والقيد خلخالي )) ** * ** يا فهدنه بعدهي اِجدامنه اِبدربك نسيم اِيغازل الورده وبعده شوگنه الحبك برعم بالگلب بعده وحزبك يا شهم حزبك رغم ما جاوز السبعين واِتعده مواويله بعدهي أحلام واِتگطر اِراده (( اليمشي اِبدربنه شيشوف يا بو علي لو موت لو سعاده واِحنه دربنه معروف يا بو علي والوفه عدنه عاده ))