كتابات أخرى للكاتب على موقع الناس

الأحد 2/5/ 2010

أغنيتان حسين جهيد الحافظ   1- بلبل السدره غنّي يا بلبل الســـدره        غنّي حب اِو غنّي ذكره غنّي يالصوتـــك محنه غنّي حبنه اِطوير جنه        ما يمــــــوت الصان فكره غنّي يا بلبل السدره غنّي غنّي اِو علي فوگ      اِو طرز النجمات شوگ اِحنه للنجمات طــــــوگ      يحضن النجمات گمره غنّي يا بلبل السدره غنّي لأحلام الرفاق           الطرزت گــــــاع العراق للمبادئ حبنه فــاق           عشگ قيس اِبني عذره غنّي يا بلبل السدره غنّي بيهم غنّي بيه           غنّي متموت القضيه نجم عالي الشيوعيه          رفعت الرايات حمره غنّي يا بلبل السدره   2- اِشلون لونك خويه يا بواِعيون جنه        اِشلون لونك بعد أهلنه اِجه آذاراِو اِجوني خويه ربعك يهنوني           طبعـــــــوا الچفين حنه خويه يا بواِعيون جنه لو تجي خويه يغايب          اليوم واِتشوف الحبايب باقة اِورود الرفاق اِتغنت اِبسم العراق           اِعله الشمس علت اِسمنه خويه يا بواِعيون جنه برعمك ذاك الهويته          فرحه واِبدمك سگيته صار شجره اِظخين فيّه واِنتشر عالدنيه ضيّه         اِسم يجري وي نبضنه خويه يا بواِعيون جنه خويه بيت الحزب بيتي       من گلت هذي وصيتي آنه ملتزمه الأمـــانه جدمي ما غيّر مكانه          كحلتي اِترابة دربنه خويه يا بواِعيون جنه