حسين جهيد الحافظ
الأثنين 29/12/ 2008
رسائل الحافظ
الرسالة رقم -3-
شوك ووسفة 2005حسين جهيد الحافظ
شوگ وحنيه ولهفه
وعظة اِصبع يگطر وسفه
خجلان الكمر والشمس مستحيه
ونجوم الليل حيل
اِتغطن اِبعفه
والعالم مو ذاك العالم
يصعب وصفه
وچلمة ( أهلاً )
تتمرجحلك فوگ الشفه
يا ملح الخبز والماي
حبك أصل مو صدفه
يا شيمه
ومحبه
وهيبه واِحساس
يا بيرغ شرف واِبزود
اِسمك للشرف مقياس
يا سيف الحسين وراية العبّاس
يا شعلة أمل بالروح تترجاك كل الناس
اِأسولفلك وكتنه صار مالوم
وأنه الحالف أبد ما أحچي حالف
اِأوصفلك دليلي اِهواي مهظوم
حزينه وماتت اِبشفتي السوالف
اِنكسر جنح المحنه اِبگلبي من يوم
اِرتچيت اِعله الرمح مجبور أوالف
دخان الجكاير ويّـــــــــه الاِهموم
هـــــم اِعله همّي وأگولن مايخالف
لون تجبل تصيح الناس حيّاك
واجب عالخلك مفروض حيّاك
اِذا غفله تـــــرد واِتزور حيّاك
تطك أرواحنـــــه الجيتك هديه
نديه وتنتظر لهفه
وچلمة ( أهلاً )
شوگ ويتمرجح على الشفه