كتابات أخرى للكاتب على موقع الناس

السبت 29/10/ 2011

معرض نوره حسين جهيد الحافظ   شجرة تكي وعش عصفوره وبلبل جنحانه اِمن اِبريسم اِيزق الغنوه اِبحلگ اِطيوره رسمت نوره اِبأول صوره وبالصوره الثانيه الأموره رسمت طالب .. راسم ورده اِعله السبوره اِبنص الورده .. شفت اِبلادي اِجنوبه اِشماله اِسهوله اِجباله نخله أشجاره .. وماي أنهاره برديه وگصبه وعگيده وصوت إطيوره ورسمت برحيه إبنص هوره ورسمت نجمه اِبثالث صوره بس اِبعيده !!! اِبعيده .... اِ ب ع ي د ه واِسألت الحلوه الصنيوره ليش النجمه اِبعيده ... ِبعيده اِبهاي الصوره؟ گالت توصل لازم توصل واِتجيب اِوياهه الشميسه وگمر الديره اِيوزع نوره عالدهله وعالشاطي وعالهوره وترجع اِعيون الأمان تنثر الفرحه حنان والأغاني اِتعود ترفه اِبكل مكان اِتكحل اِعيون الزمان بسمله وحب ودعاء صافيه وطيبة اِنسان (( اِنشاء الله اِيعود الأمان اِنشاء الله اِيعود الأمان ))