كتابات أخرى للكاتب على موقع الناس

الأحد 28/12/ 2008

إلى العزيز أبا أحمد الرقيق العزيز خيون سعدون الغربة نار حسين جهيد الحافظ ماظنه يرجع القدّاح ويطك ماهي ظنه وماهي ظنه اِيورد الروض ويرد يلتم شملنه وترجع اِطيور الحباري اِبروضهه اِردود اِتغنه وتوفي أمّي اِنذورهه التنگط محنه وفوگ بيبان الجوامع تطبع الچفين حنه يالغريب الغربه نار ولمّة الأحباب جنه يالغريب اِنشد الگبلك تغرب واِخذ منه اِشكثر جاع ... .... واِشكثر نام اِويه جوعه اِعله الرصيف اِشلون صار اِفراشه حسره وألم واِغطاه الرجيف اِهلال عنده ... وبالحلم چلمة رغيف أيامه ظيم وآه .... وهمومه نزيف اِشكثر ذل وهو ذاك الچان بين أهله شريف يالغريب اِشگد تشوف اِبغربتك كيف وطرب واِشكثر ونسه لو نصح ويّاك فد مره الزمن واِشگد تشيل اِطيوف عينك لو يمر جفنك وسن هذا,,هذا وبعد أكثر... هذا كله ما يساوي اِبيوم ذره اِتراب من گاع الوطن