كتابات أخرى للكاتب على موقع الناس

الجمعة 27/3/ 2009

محله شهر آذار حسين جهيد الحافظ الى الحزب الشيوعي العراقي في عيد ميلاده المجيد الخامس والسبعين الصبح خد اِمحصنه والشمس ترچيه تتمازح اِويه الزلف سعفات برحيه والليل شدة غوه واِمرايه بيه الگمر يتمرج اِبضيه كش( المعاتب كلف ) منريد طاريه بآذار اِحنه وفشل چلمة عتب تنحچي تخدش أمانيه آذار مرجوحة وفه وأحلام ورديه اِحديثه وتسيوره ولحن ترفه محاچيه اِبخيط الگمر واِبوفه تتلولح الدنيه معزوم عدهه النجم ردد أغانيه اِبكل محنه اِبكل صدگ اِبكل شي ... اِبكل ما بيه ( محله شهر آذار .. وآخره اِمحليه ) الطيبه اِله عنوان وابِشوگ طگ بستان ( واِبهاي الولايه حزبي رفع رايه ) تتباهه وي عگد الهوه بالوفه اِمحنايه بيهه الوفه للوفه دگ صافيه النيه حب وشهاده وسجن وأحلام ورديه اِبدم الشهيد اِتطرزت حب وتعب عامل مجبول من الجهل وي خبزته اِيناضل بالمسطر وبالمدرسه كبرت خلگ شاعر شال القصيده علم يتحلم اِبباچر نظراته تكتب شعر هلهولة اِمعرسين طگن اِحروفه حلم من فرحته اِبسلتين كل حرف خضر غصن شايل ورد لونيين أحمر اِبلون الشمس يتنه الشروق الجاي وأبيض اِبطيبة گلب يشبه زلال الماي حريه وسلام الصدگ اِثنيهن حلوين اِتخاون اِعله الوكت مثل الجفن والعين دمعاتهن تنگط فرح رغم الحزن كترين اِشگد عواصف واِشكثر مرت وهاي اِسنين واِسمك يلاوي الزمن سيف وحضن چفين من يوم عمرك لحد لل 75