كتابات أخرى للكاتب على موقع الناس

الخميس 25/12/ 2008

رسائل الحافظ الرسالة رقم -2- اِشطوط الصبر 2000 حسين جهيد الحافظ معسرات الليالي اِبعشرتي ويّاك واِشطوط الصبر جفت شواطيهه خنياب الحزن بالروح نهران الألم فاضت سواجيهه سفّان العمر عله الشراع اِبريح ضبط كل صواريهه أخذ كل اليريده اِوياه لحگ روحي على الباجي اِبتواليهه اِخوّه الحسره والدلال واِعيون الفرح واحات بس دمع الحزن مر اِبچواليهه دنيه اِو خاوت الغدّار واِنياب الهجر فالات شچت وأوجرت بيهه بس ومضة أمل ملگاك بعدهي اِنراهن اِعليهه بيهه اِنلاوي چف الموت و اِنزامط يراعيهه أينعت تدري وحصادك حان كوم اِبمنجلك ليهه