كتابات أخرى للكاتب على موقع الناس

الثلاثاء 25/3/ 2008

حرز حسين جهيد الحافظ شدني اِعله زندك حرز تلگاني أخوف الخوف لن بي منك طبع وهذا الطبع معروف روضة اِنته وكت السلم وبالموزمات اِسيوف الجبل يشهد اِلك والهور ... والمشحوف ويا روج يگدر يكع مشحوفك اِمن اِيطوف منجلك ماشة ذهب والسنبل الهه اِزلوف وچاكوچك الهل وطن علاّه طوف .... طوف للدنيه اِسمك حرز واِحروفه ما هي اِحروف واِطيوفه وي كل جفن يا بويه موش اِطيوف طيبه ومحنه ووفه وأحلام گد الشوف طوف اِعله گد الأمل بينه اِعله كيفك طوف تلگانه نتنطرك واِبعينك اِنته اِتشوف اِحديثه اِويه ثوب العرس تتنظر الزافوف النفنوف اِنته وفرح يا محله هل نفنوف اِتغيب الشمس تنكسف وطيف الگمر مخسوف ومن تهل اِنته الضوه واِنته الدوه الماصوف يتباهه بيك الوكت والأعمه بيك اِيشوف