حسين جهيد الحافظ
الشيوعي .. بخت
حسين جهيد الحافظ
لأن بيك الصدگ سوله
ولأن جرحك منارة حگ
وآذان الظهر طوله
ولأن إنته ملح للگاع
وطبع بالگاع .. تترجاك هلوله
ولأن طبع الشمع طبعك
يا شيمة بخور وستر (بت إبنوت)
يا بخت السدر هنياله الإينوله
ويا هيبة گمر تتناك كل الناس
هم شايف گمر فد واحد إيطوله
تشور .. .. شووورت ياماااا
گبل وإشگد .. !
سهل ذوله
تشور يخسر اللاواك
واللاواك خل يسأل
إشكثر لاواك گبله وطاح
وإنته .. إنته .. هذاك إنته
الشمس چذاب من گال الشمس تنذل
يا هيبة بيارغ .. غرة التاريخ
يا طيبة أهلنه وشيمة الثوار .. يتبرزل
يبو البخت الچبير ودوم إنته أول
شهم .. والدگ أساسك حيد
أبو حلگ الذهب لو سولف إمعدل
البنوا غيره إبرمل هيال
وإهو إبمرمر بناك إكحيل شد وحل
شمس الله الچبيره الواكحك خسران
تتعثر خطوته الظهر مو بالليل
وإتيه الدروب إجدامه ما تندل
لا تيه إدوروبه وصار ما يندلالناصرية
6 / آذار / 2011