حسين جهيد الحافظ
 

 

قصائد و قصائد

حسين جهيد الحافظ
 

( 1 )

حنيني الكم
مثل حن الدمع للعين
وشوكي الكم
جرح واشتاك للسجّين

( 2 )

هرج مرج
دنيه وصفت سوك الهرج
تلعب على الحبلين
والثالث لعب .....حيه ودرج
ذيل (( ال........)) طبعه عوج
كل هذا ......... والدنيه أمل
يتنطّرك ......وأنته الفرج

( 3 )

آنه أعوفك......حيل صعبه
انته كلبي....
وياهو كبلي....عاف كلبه

( 4)

لأن أدريبك وفاء
اشما حجوا عنك حبيبي
انته ذاك انته....ابحياتي
تبقه أنقه من النقاء
إ سمك ابروحي قضيه
وجيتك أجمل هديه
اتطرّز ادروب الحقيقه
.... والحقيقه
اكدار وي طولك رداء

( 5 )

طبع الكاع طبعك
ما يذل للحيف
بس يا ويل محنتنه
مثل (( سيزيف ))

( 6 )

 كون كل الناس
بعيوتي تشوفك
جان هامت كلهه بيك
ولا كدر واحد يعوفك

( 7 )

جذب كل ما حجوا عني
اتعرفني انته
وفي وطبع الشمع طبعي
أذوب وأحترك سكته
هم همك .. ألم بالروح
بس ابشوك عاشرته

( 8 )

اشلون بيه .. شلون بيك
أدري عالمامش بعتني
بس رغم هذا اشتريك

( 9 )

1 + 1 = 2
جمله اتعلّمناهه بصف اللأول
ما يتجادل بيهه اثنين
لكن آنه + إنته = 1
جذّب من كال احنه اثنين

( 10 )

الناس تغتاظ الجرحهه
وآنه وي جرحي ولف
لأنْ آنه ابشوك أشوفك
انته بجروحي نزف

( 11 )

 الوكت من دونكم
.. وحشه وظلام
ودنيه مكسوفة شمس
صوتكم عيد وأغاني
.. حنّه وزفة عرس

( 12 )

المسافه بين جدمي والدرب
كلّش بعيده
والمسافه بين روحي وكلبي أكثر
لكن اوصاف المسافه
البيني او بينك عجيبه
اشما يطول البعد تكصر .