كتابات أخرى للكاتب على موقع الناس

الجمعة 23 / 8 / 2013

دولاب حسين جهيد الحافظ   تدولبنه ونسينه الصار والچان      گمنه اِعله السراب اِنبدي الماي على المامش نلف والفكر دوهان      ولا ندري اليمر والراح والجاي خلبصنه الشعر واِخلطنه الأوزان     نحچي والحچي من غير شرّاي كتبنه والقصيده اِبدون عنوان     تسأل من قراني وغرف معناي واحدنه اِنذهل واِنعيش نسيان      بالكاد النفــــس والجدم بهــداي اِبنادم بالشكل والــطبع حيوان      يغدر صاحبه واِيصير شــچّاي يحط بالنار اِيده وصاح يفلان      الفرج وين الفرج ما ظنتي جاي عساهه اِبرگبتك يا أصل الاِنسان      القرد حته القرد منه صاح برّاي صح نمشي ونسولف لكن أبدان      ويا داي اللفانـــــه آخ مــن داي اِنعرف كل الحقيقه ونحچي بهتان      ونحط منه خطيب الچان رغّاي غريب الدار شيخ وعالي الشان      صفه وشيخ العشيره صار ودّاي الگرعه وأم شعر هاليوم سيان      وأبو سرحـــان وي الشاة ولماي غريب وما غريب غير شيطان     صار الما يصير اِشينفع اِبچاي علت فوگ السفاله وطخ الاِيشان     على العالي النزيزه اِتروح دهداي أبو الجنيب گــام وهــد الاِعنان      وگال الريح چانت بعض ممشاي والگنفذ صفه اِيسابگ الغزلان      فريضتنه اِمن الأرعن ياخذ الراي شسولف واليسولف صدگ خسران      صفه هذا طبعنه وشرع دنياي لا نيرون سواهه ولا جنگيزخان      ولا التاريخ يذكر سدت من هاي منه اِشما جـره شتفيد الأحزان     وشتفيد الندامه وحـيــل ويّاي عوچ بينه الزمان الچان ميزان      غرگنه بالجزر والماي شلهاي ما نسمع صفينه إو عدنه آذان      على الدنيه السلام وباي بيبابي