كتابات أخرى للكاتب على موقع الناس

السبت 21/3/ 2009

قصيدة علوش حسين جهيد الحافظ علوش حلم واِعيون ترسم عالدفاتر شيمة اِبنادم للولايه نذر عمرين يتبسم يهنياله النذر عمره لأجل ناسه أبد فد يوم يتندم تعب تتسابگ اِسنينه ولا همه التعب ساعه وجزع من تعبه واِتألم يضحك للهوه للماي لعيون الصداقه البيهه يتشيم توضه بالأمل والطيب وبالحب والوفه اِتيمم أهله الناس حب الناس دينه ومذهبه الأعظم أخو اِلهم صفه والخال واِبن العم عذب حته اِبخيال الكاس ترف بالطيبه يترنم وجه يضحك .. مرفوض الزعل عنده قنوع الكل شي ما يهتم المهم گعده المهم نكته المهم ينصح صديق اِيساعد التعبان طبعه اِبهاي يتنعم ترف حته اِبخيال الكاس ما غندب .. طبع بلسم علوش علي سميه اِشما اِتسميه ما يعنيه ولا يهتم المهم عنده اِيتوضه اِبحب الولايه محنه وبيه يتيمم 21/آذار/2009