| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

حسين جهيد الحافظ
 

 

 

 

الأربعاء 20/2/ 2008

 

إلى روح أحمد الخليل والى كل حر غيور

هربجي

حسين جهيد الحافظ

ممحله اِدروب جدمي ونگلته تيزاب
وعطشان النهر يتحلم اِبگطره
شح بي المطر بس عيني كتت ديم
رويت البوادي اِبوشلة المطره
طگتني الشمس ظنوا وفر ويذوب
واكحت الشمس حيل وخذت عبره
وعبره
مثل للناس طبعي آنه وعبره
يضگني الظيم أدوسنّه وعبره
المرامه التاه أوضلنّه وعبره
اِشما زاد الوكت طوفان ميه
اِشما جار الوكت...... آنه
هذاك آنه ....خشم سمره
ظليت اعله لوني اِبيوم بيه الناس
فصلهه التلون والألوان.... ألوان
وادم سود صارت ..وادم اِمغبره
عاشرت الذياب..... وأدري طبع الذيب
اِشما طول أمانه ..اِيعور اِيغدره
بس بي طبع خاواني هاي اسنين
يكتلني الظلام وأشتعل كمره
اِشما شفت المحل بالديره غطه الگاع
يطگ شريان دمي ..وترتوي الصحره
ضوه اعيوني (جدي) ويدلي الاِمتيهين
وأحلامي چبيره وزاهيه ...وخضره
شد صبري اِعله صبرك يا صبر أيّوب
لا ...أيّوب من عدنه اِنعرف صبره
وصبراي
گليط وچلمتي حكمه ..وصبراي
وتفيض اعيوني الك دهله وصبراي
صبر أيّوب من صبري وصبراي
زاد أيــــــــّوب گـــد نجم الثريه
شيوعي وتشهد الأيام بيه
اِشكثر رادوا يطولوني
أبد ما طالوا أجدامي..
.........ماتوا غيض واِبحسره
اِشكثر رادو يذلّوني
ذلّوا و آنه ذاك.. أبد ذليت بالمره
صيهود الشواطي .....وأنتفض خنياب
لغز والناس كلهه اتحيرت بأمره
بلاداي
خمس اعقود مسجونه بلاداي
اِعله جرف الداي متوسده بلاداي
ولا فد يـــوم مر بــــيهه بلاداي
صار الهه الدوي والهم سجيه
عليه اتنام..تصحه اعليه
جهنم يومهه الحمره
على يامال ..... واِعليمن ؟
معروف الجواب ويفهم اليقره
لأن طبع الكتاب ...ايوضحه عنوانه
وعنوان الكتاب ..اِنعرف من نظره
يريد أمجاد يبني وبيش يبني أمجا د
بأجساد الضحايا ....وحسرة المظلوم
من دمع اليتامه وشوغة الحره
من حرگة بلادي الصار هاي اسنين تتلوه
ما بين الأسر والموت منتظره
كفاهه
الصبر بينه ألف دنيه كفاهه
وظلهم رمد لعيوني ...كفاهه
الوصل منهم كفه اِبلادي كفاهه
بس بعده الأمل شريان بيه
ترد الدنيه دنيه اردود........
.......... ويطش الورد عطره
وأشوف اجبال زاخو اِتعانگ البصره
وأحس بچفوف راوندوز حنة فاو
وبجفون الرفاعي الكحل من بدره
وأحس راوه وحديثه وبيجي والأنبار
اِكلادة شوگ تزهي اِبرگبة الشطره
تطش موال ....واِتغني عتابه
ويهيد الگلب ويبطل ....عتابه
ربيع الصيف أشوفنه عتابه
وطگ قداح بدروب الأحباب
وياسمين
يطگ قداح وي جوري وياسمين
وتغني ابفرح حنونه وياسمين
وأشوف الوطن متنفرش وياسمين
ويذر تيزاب بعيون الأجناب
وعلى ادروب المحب ينثر مسره
يسلي اگلوب......... اوايموت الحسره
يغني وشجرة البلّوط طير ايلاعب السدره
وفرح (مسطاو) من أربيل يحضن تمرة البصره
اِيبحضنهه اِبود ........ واله عذره
اِيعزف ناي الجبل وي مطبگ امن الهور
على صوت الربابه ايطشن البشره
ويشر سعف النخل فيّه اعله شقلاوه
على الموصل يمر بدهوك وي عقره
أبوذيّه ..... ونايل..... وموال
ويغني الهور وسهول وجبال
( هربجي............. هربجي
كرد وعرب ...... رمز النضال )

 


 

Counters