كتابات أخرى للكاتب على موقع الناس

الأحد 20/3/ 2011

بيرغ فرحة حسين جهيد الحافظ   بيرغ حسره اِو نورس يلهث فحطان اِو .. شاطي اِيجر اِبروحه اِشگد تعبان ؟ اِو .. عين اِبنادم اِنرسمت دم فوگ الماي شوغه اِو .. آه اِو فگدة راي اِو .. رسم أشباح اِعله الحيطان ممنوع اليضحك ممنوع اِو .. ممنوع اليعلگ حته اِشموع خضر الياس اِسطوره والغايب چلمه اِنكتبت يوم اِعله السبوره اِنكتبت سهواً غلطه اِو .. خطتهه الطبشوره اِهناه العبره اِندور وين العبره مو كلمن شيعي اِمن البصره اِو .. لا كلمن سنّي اِمن الأنبار مسيحي اِو .. صبّي سنّي اِو .. شيعي اِهناه عدنه اِبنص ذي قار اِو .. هم بالكوفه هم بالموصل .. هم بالحله اِبن الهور اِحميد شيعي ودّوه جندي السد دوكان اِتنمرد غاد اِو .. حب أم گذله سنّيه اِو .. يدري اِتزوجهه اِو .. جابت طفله زينب سمتهه اِو .. تتباهه شالتهه اِرموش اِبفي كحله واِبن محمد ذاك السنّي .. اِسمه حسين شالاه شوف اِبنص العين حطه اِبدربه اِهلال اِو .. گمره اِهناه العبره اِضرب .. قسم .. اِطرح .. اِجمع تلگه الناتج واحد اِحنه اِو ما نتبره من زاخو الموصل من عقره الحد ميسان الحد الفاو .. اِو .. شط البصره بيرغ فرحه اِيرف بالعالي ما يرضه اِيرف بيرغ حسره هيهات اِيرف بيرغ حسره آذار /2010