حسين جهيد الحافظ
الثلاثاء 1/4/ 2008
الشيوعي والمحبة .. .. تومحسين جهيد الحافظ
من عاشگ رسم دمّه
على اِتراب الوطن خنياب ,,اِلك نجمه
وكتب وسط البيابي اِبحب .. ألف چلمه
شد شريان گلبه اِعله الضلوع أوتار
عزف لأجل الشعب نغمه
من شفة طفل شال البراءة اِوسام
بعيون الغوه بسمه
من تلميذ خط اِسمه
على الرحله حنان و شوگ
من استاذ زق علمه
محنه اِيداعب الطبشور واِبهمه
من بستان جوري ومن حديقة حب
خضر للوفه رسمه
رفت رايتك حمره
لاوت كل چفوف الجور والنقمه
كتر يتلاوه وي الضيم
وكتر ينثر عطر نعمه
شيوعي والمبحه اِوياك
كبرت توم
زلمه اِيطيح ,, ينبت بالأثر زلمه
ضوه رغم التعب بعيون المحبين
اِنته وعشرتك حكمه
سوله اِنته المحبه بيك
وطبعك للبشر كل البشر رحمه31 / آذار /2008