كتابات أخرى للكاتب على موقع الناس

الأربعاء 19/3/ 2008

قصائد من الدفتر القديم حسين جهيد الحافظ 1– شمعة عرس آذار بمناسبة العيد الأربعين 31/آذار /1974 اتوگدي شمعة عرس آذار شوگ اِتوگدي والدنيه طرزيهه ضوه لمينه وي نورچ فرح ... طشّينه للوادم غوه وللظفاير اِحنه حنه حنه طيبه اِتفوح هيل وياسمين وللاِعيون اِنصير كحله ومرود اِيگطر حنين ينثر اللمسه محنه اِو شوگ لو سامرالعين وللزغار اِنصير ضحكه وبسمه بشفاف الحزين وللتصير اِسنينه ظيم اِنصير فرحه اِتشيل كل ظيم السنين اِحنه للوادم ليالي العيد واِدخول السنه واِحنه للدنيه هوه اِتوگدي شمعة عرس آذار بينه اِتوگدي طشينه للوادم غوه لمينه وي نورچ فرح لمينه و آذار الضوه آذارللدنيه ضوه 2— عشگ روحي بمناسبة العيد الثاني والأربعين 31/آذار/1976 من هويتك عاتبوني وگاموا اِيلومون بي الماكو غيره وگالوا اِشحبيت منه وهذا حيره هذا طارش من بعيد گلت أحبه وشوفته لعيوني عيد آنه منه وهو مني ومو بعيد ...مو بعيد هذا اِبن ذيچ الصريفه اللامه اِهموم الفقير هذا اِبن ذيچ الثنيه الطيبه .... وذاك الحصير هذا اِبن ذوك النشامه العاشوا اِبگرصة اٍشعير خطوا اِبدمّهم مسار وللخلك رسموا منار هذا اِبن تمّوز واِكتوبر ....... واِبن آذار شيمة الگالوا فكر ةأبدان اِحنه ومن تموت أبدانّه تبقه الأفكار أنطوا الدنيه درس تتباهه بيه وخطّوا اِبسوح المجد أعظم شعار (حر وطنّه وللشعب عيشه سعيده) أحرار كلنه وما نود غير الأحرار 3 – فجر اِيفلان بمناسبة العيد الثاني والخمسين 31 / آذار /1986 عيد والعيد الفرح يفلان يعاود باچر الغايب طرب واِيحاضن الخلاّن وتدور الدله مسروره تفوح هيل .... تتباهه العطر عنوان وآنه اِهناه وحدي اِويه النجم سهران أجالب بيه أعدنه وأگّضي الليل أتنطر اِبرجه فجرك يالاِمشكر فحر يبزغ ... فجر ينطر وأجيه اِبشوگ أنشدنه يفجر اِفلان يالعيد وبعد أكثر ضحايانه المشت بسمك تمد اِجسور للمعبر چثيره اِهواي ما تنعد أمير .... وعادل ... وستّار .... ومحمد هو صارم بأثر حازم فهد ذاك الدرب كبله مهد چثير اِو لو أعدنهم اِلك يفلان يچل مني ويمل السان ألف اِلسان أمشي اِعليك كل طيب وأحشم بيك يالربان فرحة عيد سوّيهه واِجيب اِلنه الخبر...... يفلان يفلان الخبر يفلان يالاِسمك قضيه ومبدأ ... واِنسان يفلان الخبر يفلاااااان 4 – عيد الناس بمناسبة العيد الثاني والستين 31/آذار/1996 اليصوم .....ايصوم واشگد صام.... هم يفطر وأنه الصايم...... لمن تنفض صدگ...وايبين اهلالك يعيد الناس..عيدي ابوگفتي اگبالك يهنبالك خلگ عندك طويل........ اشطوله هنيالك تشوف الناس كلهه اتصيح وانته ولا عله بالك اشكثر رادوا يطولونك أبد ما طالوا اخيالك عليك اتحاشموا من ساعة الطوفان رادوا بس تذل ذلوا وانته انته هذاك انته چبير الوادم اعيالك