كتابات أخرى للكاتب على موقع الناس

الأربعاء 19/11/ 2008

طبع الناصرية حسين جهيد الحافظ اتعودينه ....... اِبشوگنه انغطي اليجينه اتعودينه مو بدينه.... هذا طبع الناصريه مو بدينه نفرش الدلال للخطار لو سيّر علينه وننطي ماي العين لليطلب يجينه يا هوانه اِمعطر ابشيمة أهلنه اِبريحة الخرّيط ..والبردي وحنينه ويا عمرنه ...... اِبشوگ منذورات للطيب اِسنينه وبينه.... بينه كل جهاد... وطيبة الحبوبي بينه وشارع العشرين مشاية صلح ممنون لليزعل علينه اتعودينه ...... اِشما ثگل ظيم الليالي وزاد نرتاح الونينه اِشما كبر بينه الجرح نتباهه بيه حته لو تيزاب كترينه وسولة المجروح عدنه اِبجرحه يتباهه اِعله وكته وفرحه ...فرحه اِيبوس سچينه وللغريب اِضلوعنه خيمة محنه وبيه ترتاح المدينه ما نبالغ هاي سوله اِمن الفرات اِتعلمينه اِشما كبر وي جرفه غيضه اِيفيض خير اعله صوبينه واحنه بيه اِتأثرينه وسوله صارت بينه بينه مو بدينه...... هذا طبع الناصريه مو بدينه مووووووووو بدينههههه 1991 نيــــســــــــــــــــــان