كتابات أخرى للكاتب على موقع الناس

الأثنين 19/1/ 2009

چذّاب حسين جهيد الحافظ چذّاب كلمن ضحك وكلمن بچه اِبمصاب وچذّاب اليغني اِبعرس واليقره بالمحراب چا وين ألگه الصدگ گلّي وأدگ ياباب والمن أسولف بعد سهم الوكت لو صاب صح شعري لون الثلج بس گلبي بعده شاب وعقلي اِعله حاله عقل ما مسه شي واِنصاب ظل اِعله طبعه أبد رغم الأيّام اِصعاب يگضن يگول ويرد طبع الذهب تيزاب وترجع لأهلهه الصدگ ما تقبل الأغراب ولا تقبل الأجنبي وربعه الاِجو ركاب الگاع مثل الطفل يغرنه الألعاب اِيهومش ويضحك الك او شاف بيك أطياب واِحنه طبعنه طفل من عالم الأصلاب من عالم الذر الصدگ من عالم الأتراب لهله يحن اِبفرح واِيفرزن الأجناب واِيطگ محنه ووفه مثل النسيم الهاب مثللللللل النسيمممم الهااااااب