كتابات أخرى للكاتب على موقع الناس

 

الأثنين 18/2/ 2008

قصيدتان للوطن حسين جهيد الحافظ 1 – تقرير المصير تضرب تجمع اِتقسم تحط تحت الجذر تطرح تطشر تهدي اِتلملم بلدهه اِبكيفهه أمريكه اِشتود ترفع تود اِتجر تود تنصب تود تجزم حره اِشما تود تعمل بلدهه وهي التحكم ومثل ما اِتريد هي اِتعيش وعدهه بالحكم مقياس اِحنه اِنريد هم اِنعيش مثل الناس اِحنه مو جزء مغصوب من تكساس ولاأظن العراق اِولايه چان الهه ولا جزء منهه صغير يا ضمير العالم الحر يا ضمير اِحنه تاريخ وحضاره وشعب اِحنه اِمن الأصل طبعه چبير وكل شعب يحكم اِبرايه اِشما يريد اِيصر من حقه يصير وحقه تقرير المصير 2 - خاريطة أمس جابلي واحد خريطه للعراق....... اِملونه تلوينهه كلش صعب الفرق بيهه چبير اِمن الشمال وللجنوب اِمن الشرق حته الغرب گال جزأت العراق گتله تگدر.... عالورق كلشي سهل اِتسوي تگدر ما تحب ضحك فرحه زامطيته....وگتله لكن فنك اِتجزأ خريطه للعراق اِنرسمت اِبوسط الگلب