حسين جهيد الحافظ
عزيز الناس
حسين جهيد الحافظ
على اِخدود الشمس عالماي
على هسه ..
على اليوم المشه اِعله الجاي
على ضي الگمر
والليل والنجمات
على حس التلولي ...
... وشوگ الاحديثات
على بسمة الشفه .. وبدلة العامل
على زهو النهر حلمان
واِعيون السنابل
شوگ .. يحضن شوگ
من تتنه المناجل
على اِشفاف الگلب
عالريه .... عالشريان
على اِوجوه الشوارع
والمحله ... وگصة الحيطان
اِعله كل الحب ...
حب اِبحب ... طبع رسمه
واِبشريان دم الناس
تجري اِبود حروف اِسمه
من اِشموع ميلاده
توج تتوهج اِشموعي
عزيز الناس .. كل الناس
سالم حزبي الشوعي15/آذار/2011