كتابات أخرى للكاتب على موقع الناس

الأحد 17/2/ 2013

قوس قزح عراقي حسين جهيد الحافظ   يالرايد تعرف أوصافي اِو آنه اِمنين هاك أوصافي اِو عاين زين اِو كون فكره آنه اِشروگي أسمر من نخلات البصره من هور الچبايش ريحة العگيد من سوگ الشيوخ اِو طيبته اِو تمره من الناصريه اِو اِسأل التاريخ للذكره من شيمة فهد من بدعة الشطره سموهه الخلگ والاِسم لايگ حيل اِلهه موسكو الصغره وأشكر شعري من بلوط اِجبال اِبلادي من زاخو الموصل من عقره شارب ماي الشطين آنه نور أفكاري اِو كلش حره أهوه التجديد اِو يهواني ايسموني الوادم علماني واِبكل حريه الوالد يعشگ واِيحب حيل العلمانيه ساكن بالزبير اِو مذهبه شيعي ( سبل ) وبجامع السنه يصلي طبگ يوميه واِمي اِچتاف لو صلت خمس مرات لأن مذهبهه سنيه بس عدهه علي ( اِو يا لا اله اِلا الله ) قدوه اِتقدسه هيه واِخوي اِيصوم واِيصلي ومشي بالأريعين اِيروح بس أفكاره شوعيه اِتزوج وحده من تلكيف أعتقد لا جزماً مسيحيه تزور النجف كل رمضان اِو تروح الكربله اِبعاشور متعنيه اِسألتهه اِمنين اِنت اِ وين گالت كاكه كرديه واِختي اِتزوجت واحد يحمل نزعه دينيه يناقش دوم .. بس اِبصيغه علميه واِحنه اِنعيش كلنه اِببيت واحد عالمحب واِبحسن نيه يجمعنه هدف سامي يرد الروح طاريه اِهو حب العراق .. اِو ياهو الاِيجاديه دور واِگلب الدنيه عراقيين كلنه .. واِبمحنه اِو شوگ تجمعنه العراقيه