كتابات أخرى للكاتب على موقع الناس

الأثنين 16/9/ 2008

بيان أول حسين جهيد الحافظ بيان أول صادر عن ضمير الناس عن أول قصيده اِنكتبت اِعله حسين والآخر قصيده اِتمجد الانسان عن ومضة شعر طرزهه دم مظلوم ....... ورده وخضرت بستان عن روح النذر روحه ... وقدمهه اِبفخر قربان عن كلمن نذر عمره فديه الرفعة الأوطان عن اِبحور الفراهيدي الغزيره وعنوة السياب ........ أطرهه المطر اِيمان واِتلاله اِبمراياهه وصار اِلهه المطر عنوان (( مطر .. .. .. .. مطر .. .. .. .. مطر )) .. .. ونزل بيهه المطر وجدان عن أحمد نجم صوت الفقير وسعدي والنواب .. .. زرعوا والحرف بستان عن راي وكرامة شيخ امام الفاز بالاِجماع واِتنصب رئيس العالم الألحان عن عشگ الرصافي وصوت نيرودا .. .. وشجن داخل عن حوبة شعب حزنان عن تنويمة جياع وصفنة اِمحبين عن حسرة حقل عطشان عن حزن الثكالى ولوعة الأيتام .. عن صرخة طفل جوعان عن منجل مثابر أكل سنه الظيم عن فلاح متوسد المرز تعيان عن چاكوچ عامل ذبح صمت الليل .. .. غبشه وخضر البنيان عن همة مناضل كتب عالحيطان (( الوطن عاش الوطن والمجد للانسان )) لعيون الفرات ودجله والغراف .. .. .. .. وأهوار الغموگه وشيمة النهران والشط العرب.. للبصره .. والذي قار ولأربيل فرحه وبسملة كوران لحن لملم محاچي الطيب .. .. غنوه وللمجد نيشان يطگ الصوت دنيه الصوت .. .. يرهب والصدى بركان رسم بسم المجد بيرغ شامخ ... ... واِنتصب برهان تعله اِعله الثريه فوگ .. .. ... ... فوگ الفوگ صار وعاليه الجدران اِشما هدمت معاولهم واِشگد ما حقدهم زاد واِشگد ما طغى الطغيان يظل صوت الشعب .. صوت الحقيقه الما عليهه اِغبار ... ... والانسان گمره ويا خطيه الليل ... ..و اِشما طال ميضمهه يظل شمس الحقيقه وللمجد عنوان يظل شمس الحقيقة وللمجد عنوااااااان الناصرية 15/9/2008