كتابات أخرى للكاتب على موقع الناس

الأثنين 2/3/ 2009

ديلي اللول الولد يبني حسين جهيد الحافظ إلى روح الفنان الواعد المرحوم علي حسون الشنون بمناسبة مرور أربعين يوماً على رحيله المؤلم ديللي اللول الولد يبني ديلي اللول يا لون الگمر يبريسم الطول *** ديلي اللول الولد يا شمعة البيت تمنيتك تجيني اِشگد تمنيت يا شريان عمري اِشگد الك تانيت أعد اِسنين عمرك وأشبر اِشبار وأشوفنك شباب وصدگ يا ريت علي يمه اِعلگتلك شمعة الميلاد شجاك وليش ما جيت حلتلك الفرگه يبعد أمك لو تناسيت لو راضي البعد يمه وتخليت عن فرشاة .. فرشاتك حزينه .. اِتريدك اِتعود !! أحسهه اِتگول بعدك ,, يمكن اِتگول ديل اللول .. يا ترف الأنامل ديلي اللول *** ديلي اللول الولد علاوي يا زين يا شريان عمري ويا ضوه العين اِلك مستاگ أبوك .. اِخوتك واللون الفرشاة ومشتاگه اِلك كل الحياطبن تتمازح تريد اِبشوگ ويّاك ومن اِيدك تريد اِتبوس تلوين تره بعدك صيغهه لون الاِِتراب وغطّاهه الحزن مو حزن حزنين الگمر حته الگمر يتنطر اِتعود تره كلفه وحگك فرگة الزين تنهش بالچبد .. واِتهيم الاِعقول ديلي اللول الولد يبني ديلي اللول الجمعة 13/ آذار/2009