كتابات أخرى للكاتب على موقع الناس

الأربعاء 15/4/ 2009

الى أمّي حسين جهيد الحافظ گصايبهه .. سنابل عنبر المشخاب اِبكل تعبه وحلاته وريحته ولونه وحنان البهه يا بويه حنان الشفه للبسمه وحوار العين ماخذهه مثل چكليت (حلال المشاكل ) من توزعه اِحديثه حلمانه ضوه ونسمه وآخ من تگعد تلولي وبالحنين اِتهز ديلي اللول الولد يمه دلي اللول يطگ ناي الحزن مليون بالميه ألذ نغمه سوالفهه صده اِحضيري .. وهوه الشطره وأغاني حسين نعمه نذر عمري أطشه اِبحضرة الچفين حنيه واِبتراب الجدم هنيالي أتيمم وأسجد بالأمان وصافيه النيه اِمعدل يا حلاة اِحروف اِسمگ طيف يرد الروح طاريه