كتابات أخرى للكاتب على موقع الناس

الخميس 14/2/ 2013

شموع ..لا .. ولن .. ولم .. تنطفئ ..!!   حسين جهيد الحافظ   الظلمه بيكم ..! تمطر إعله الدنية گمره تنسج إخيوط الصبح حب إو محنه ثوب للما عنده ثوب إمن الجبال إتجيب دبكه صوغه لأهوار الجنوب ترسم إنجوم الثريه .... إهلال عيد إبدفتر اطفال المدارس تكتب الفرحه نشيد يللي حب الناس عدكم وأبضمايركم عقيده إبدمكم أحبال المشانق كتبت الثوره قصيده من فهد لبست الغيره حازم .. إو .. صارم .. .... شهامه إو دم سلام ..! صار بيرغ للسلام إو لوِنَه من دم وريده إو خط طريق ... إلكل شهيد . . إو كل شهيده كل شهيييييييييد كل شهيبببببببببببببده  الشمعة رقم -1 - * فهد * أمل بعيون كل عامل وحلم بعيون كل طفله غيره وشيمة اِبنادم ترافه اِبگد جنح نحله چبير اِبكبر أحلام كل الناس وحنين اِبگد محنة أم مثل شوگ الزرع للماي ... والدهله اِبكثر طبع الفرات اِبطيب من يحضن عذب دجله العراق اِبغيرته مرسوم أمل عامل صبر فلاح حلم بعيون كل طفله الشمعة رقم - 2 - * حازم * اِبكل خشوع ... اِبكل تواضع باست أحبال المشانق ركبتك لأن تدريبك تقي وتدري اِبفكرك نقي وتدري حازم اِنته ذاك اِنته الچبير اِبن العراق الما بخلت اِبيوم لأجله اِبهمتك چلمتك هدت حلمهم وأذعن الجلاد ذله اِلچلمتك علمتهم .... علمتنه اِشلون يعني الموت للوادم درب اِشلون من صلب الحقيقه شعت أنوار الحزب الشمعة رقم - 3 - * صارم * من گد فلاح ومن تعب عامل من طيبة النهرين .. من زهو السنابل من سمار الگاع من صوت المعامل من قلم وكتاب من نشره وجريده ومن أناشيد المدارس من صهيل الخيل من همس الجوامع من نواقيس الكنائس اِيردد اسمك موش عالم .. لا عوالم صارم اِنته وخوش صارم فكر دنيه لاوه هامات الثريه لبست اِهدوم الفخر بيه البريه اِتاهت أحبال المشاتق غرت حب البلابل وي سمار الگاع من تعب فلاحنه وهمة العامل الشمعة رقم - 4 - * سلام عادل * سلام اِنته .. ومنك الدنيه الچبيره اِتعلمت معنه السلام نزف دمك .. للحقيقه أجمل قصيده نذر روحك فوگ چفك للتريده بيك اِيتباهه الموت حقّه لن اِنته صرت لحنه ونشيده شال روحك .... للسمه السابع قصيده اِو يا قصيده الترجمت كل الخصال ...... وخطت اِدروب النضال طشت العالم أغاني .... ..... فرح وآمال وأماني عيد وأحلام وتهاني اِتفتحت دنيه جديده اِمطرزه بأجمل قصيده اِو .. يا سلام ... المنه الدنيه الچبيره ... اِتعلمت معنه السلام الشمعة رقم - 5 - * محمد الخضري * بچينه .. اِو صح بچنيه اِعليك يالحچيّك قصيده وصفنتك أسرار حمامات السجن حنن على اِچفوفك ربن مشوار اِو گطايات الشلب ويّاك دوم اِوياك يلن اِنته العشگهن بيت صرت اِو جار صرت الهن هويه اِو مبدأ وعنوان يا هيبة زلم ما دنگيت الراس ولا فد يوم خفت الچان ما چان علمت المنايه اِعله المنايه اِتدوس شوگ اِبهيبة الاِنسان رسمت الموت لوحه اِمطرزه اِبضحگات عشگ اِزغار يالعمرك قصيده اِو موتتك أسرار الشمعة رقم - 6 - * سيد وليد * اِتراب گبرك حنه واِچفوف وشمع ترسم أحلامك طفوف إو كربله كسرة ضلع يالجبت عمرك شهاده وبالشهاده اِشگد نفع بيهه ذكره وبيهه فكره ضوه عين اِو... صوت واضح بالسمع حزن بيهه اِو بيهه ضحكه وفرح عيد يا وليد .. يا نبع ريّان يا أترف وليد اِتراب گبرك نفح طيب ... وللرموش الترفه كحله فاض ماي .. اِوغطه الگيعان دهله طگت اِبشوگك نبع حزن أم وغوه اِحديثه حنه واِچفوف وشمع الشمعة رقم - 7 - * وضاح * صوت رشاشك أغاني وهمتك تزرع أماني منك اِشحصل الجاني ظنته يكبر .. كبر فشله وخشبه بچفوفه السلاح واِنته وضاح وصدگ وضاح لمه دمك .. شوگ طاح اِتلگته الگاع اِبمحنه اِرتفع بيه الحزب صار للطيب درب يضوي گمره وصار شجره بالفرح طگت تهاني صوت رشاشك أغاني وهمتك فرحه وأماني الشمعة رقم - 8 - * موناليزا * چانت نسمه لكن أترف من كل نسمه اِو چانت نجمه اِتضوي أكثر من كل نجمه اِو چانت چلمه شالت كل أسرار الدنيه اِبهاي الچلمه تلعب طفيره اِعله الموت اِو محلاهه شوگ الدنيه اِيطگ ويّاهه وتغنيله اِبحس فيروز أعذب نغمه موسيقة بتهوفن ضحكتهه چلمة قديس اِو أكثر چلمتهه اِبچفهه الترفه اِتلاوت وي الطلقه اِبعفه طگ الجبل اِبدمهه بستان اِو حب هلهل سفحه اِبريشة دافنشي اِنرسمت لوحه بس يا لوحه .. لوحه اِعزيزه او بسم الحب اِتسمت موناليزه الشمعة رقم - 9 - * سحر بت الحزب * وردة روز .. النده .. يرتاح من يوصل شفايفهه يحضنهه الگمر فرحان النجم كل النجم يمشي ابطوارفهه شربت من فرات الخير ماي وشربت العفه اِو زهت وردة محنه اِو شوگ عالضفه سجيه الطيب اِلهه والوفه عنوان سحر بت الحزب بت الأماني وردة الاِسكان كفو أم محمد ونعمين يغصن الزين ما خضر أبد بس زين نزف دمچ ( جدي ) واضح ضوه اِلكل عين نزف دمچ سوط خافوا منه جلادين نزف دمچ كتب عالمشنقه اِعله الموت على اِزلوف الگمر.. عالشمس للزينين الحياة اِبذل مهانه الموت بالعز شيمة الطيبين الشمعة رقم - 10 - * كامل شياع * صدى چلماتك قصيده وسكتك موال وكل جرة قلم بيدك مقال للوطن منذور عمرك يالجبت عمرك سؤال ليش ؟ واِعليمن ؟ واِلمن ؟ الموت من گلك تعال اِيريد يتباهه اِبحضرتك اِيريد يشبع من حضنتك اِيريد يكبر وي صفنتك يالصفنتك سر قصيده وسكتتك تكتب موال وسكتتك تكتب مواااااااااال الشمعة رقم -11- * محمد جواد سهر * سبوره اِو طباشير اِو قلم وهموم غنت للشمس أجمل نغم فرحه اِو ألم رسمت علم أحمر يرف بيه منجل اِو چاكوچ واِعيون الزلم تتجادح اِعله الموت ترنيمة فرح تمطر عزم ناذر حياته اِبكل صدگ ضحكة طفل مرود كحل عشگ اِبدويه اِو بالوفه شالت علم تسيورة اِمحبين ما مرهه الندم عشرة زغر اِبدرب الوفه حط روحه تسيورة عشگ غنوة صدگ اِو اِمسامر اِحديثات ما نعرف وهم بيهه الحچّي .. حچّي الصدگ اِيه اِو نعم سبوره اِو طباشير اِو قلم الشمعة رقم - 12- * حاكم محمد عداي * (( ابو الكون )) الكون بويه الكون إشما أفسر ألگه تفسيره صعب الكون يعني الدنيه كلهه من نسغ عشگ الطين حته .. حته سر الضوه سر الناس سر الليل وإشگد بيه شهب إذن گلي.. إمنين أجيبلك وصف گلي إشلون أعترف ... عاجز وأگللك آنه من أوصفك لان إسمك أبو الكون الشمعة رقم -13- * إكرام سعدون السعيدي * عرس إو منده ماي إو طاس وإچفوف إبنيه إمحنايه إبعطر الياس إحديثه ... إحديثه.. إبعمر الورده إتغنّي ... إتغنّي .. إبحب الناس هيچ إو هيچ.. إو أعرف هيچ مو حبيت إشلون ... إشلون الدنيه إتهون .. الموت إيهون بس أتنازل وأترك دربي لا متهون .. لا متهون آنه إكرام .. إو إسمي إكرام وأعرف .. وادري إشيعني إكرام يعني دربي الاحترام والقضيه .. إلقدمت روحي إمن اجلهه هيّه حريه أو سلام روحي حريه إو سلام الشمعة رقم - 14 - * طارق السبهان * من طيبة الغراف ماخذ مستحه إو من درب لينين ماخذ طيبه عاشگ شيوعية فهد إكحيله إو اجمل حبيبه طارق ! بس مو من طوارق ليلهم ذاك المخيف طارق الحب والحنان نزف دمّه أصبح طريق إلكل رفيقه ... إو كل رفيق سحگ عالموت إبشهامه إبعنفوان إتباهه بيه الموت وإبحقه الشهاده نالت إبين الخلگ أعله شهاده وأصبح لليريد الشرف عنوان يكفي بس أول حرف بسمه الشمس تبزغ إو دنيه شيمه إتشيل دنيّه لو گلت طارق السبهان لو ﮔلت طاااااااارق السبهااااااان