كتابات أخرى للكاتب على موقع الناس

الأثنين 12/1/ 2009

صوت يا عراقي للشيوعيه 307 حسين جهيد الحافظ من طبع اليصوت للشيوعيه يحـــــس صوته اِله أوله وتاليه صوت يا عراقي للشيوعيه *** صوت يا عراقي حيل واِنطي الصوت واِعلنهه اِبصراحه واِهجر البسكـــــوت خل دم الشهيد الطرز التابوت يتغنه اِبفرح وأحـــــلام ورديــــه صوت يا عراقي للشيوعيه *** صوت يا عراقي النصرة اِبلادك الشيوعيه هواك ومايـــك وزادك مستقبل اِخوتك هـــاي وأولادك اِسعاد المواطـــن عــــاقده النيه صوت يا عراقي للشيوعيه *** صوت يا عراقي للديمقراطيين للأحرارصـــــوت زلمك الطيبين الخدمة وطنهم شوگ متحدين وأهـــــــداف الفقير أهـــدافهم هيه صوت يا عراقي للشيوعيه *** صوت ياعراقي يا رفيع الشان الشيوعيه وحياتك للوطـــن عنوان صوت للشعيبه ونگرة السلمان والدم الضحــــايه ميــه بالميــــــــه صوت يا عراقي للشيوعيه *** صوت يا عراقي النخلة البصره لأطفال الرميثه وكربله وعــقــــــره لعيون الفـــــرات ودجلته الحره لجبال العـــــراق وتربته وميـــــــــه صوت يا عراقي للشيوعيه *** الشيوعيه حلم وأطياف بيهه ألوان اِبن الفاو بيهه وبيهه اِبن كردســتان آشور ومسيح وصبــــــه وكلدان ســـــــــريان وعـرب وأكراد أفيليه صوت يا عراقي للشيوعيه *** صوت يا عراقي الطيبة النهرين لأهــــــــوار الچبايش للملح للطين القطار الموت صوت للشيوعيين أزكى أرواح دفعوا للوطــــــن ديّه صوت يا عراقي للشيوعيه *** صوت يا عراقي وخلي نتحـــاور والخــــدمة وطننه دوم نتشـــــــاور خل ايدك اِبايدي وخــــلّي نتآزر وخل نبني عراق عـــــــالي ساريه صوت يا عراقي للشيوعيه *** صوت يا عراقي ولا أبد لتخاف القائمة العــــــــراق الواحد الشفاف علمانيه واِسمهه جامع الأطياف مسيحيه وشــــــــــــبك سنّيه شيعيه صوت يا عراقي للشيوعيه *** صوت ياعراقي لليريد اِعراق خالي اِمن الحقد تتباهه بيه أشــواق حط روحه اِعاه چفع وللمنيه اِشتاق لأجل رفغة بــــــــلاده صافيه النيه صوت يا عراقي للشيوعيه *** صوت يا عراقي واِحترم صوتك وانطي للتعرفه اِيناضل القـــــوتك لتخلي القطار اِبسرعته اِيفوتك تره اِبذمتك عراقـــــك واِنته راعيه صوت يا عراقي للشيوعيه *** الشيوعيه وحياتك يا عراقي اِتريد يتحرر وطننه واِحنه اِيـــــــد اِباِيد سيف اعله التخلف ترغب التجديد ومن صوتك تكون سلطة شرعيه صوت يا عراقي للشيوعيه *** الشيوعيه وحياتك واضحه الأهداف من أجلك تناضل لا تظن اِتخاف شعب آمن سعيد وينعم اِباِنصاف ووطن زاهر نريد اِتسوده حريه صوت يا عراقي للشيوعيه