كتابات أخرى للكاتب على موقع الناس

 

الأحد 10/2/ 2008

قطار الموت حسين جهيد الحافظ صفطونه اِسفاط سلعة سوگ حطونه اِبقطار الموت يونس صار واحدنه والفارگون صار الحوت كتبوا عالكلبچه اِبقسوة السجّان ممنوع التنفس والنظر ممنوع حته الصوت تابوت القطار ويمشي عالسچه ومتباهي اِِبفخر بأجسادنه التابوت بسكوت الحچي ومشي القطار اِوياه ومن سامع قطار ويمشي بالبسكوت الصده اِويه الصوت ... يگعر موت كلشي اِبهل القضيه موت من لسع الچوي بالك تگول أحّاه اِتحمل حراره اِمن الحديد وضكة الفارگون .... حد الموت موش اِنته الگلت ما أهاب حته الموت هذا الموت يبنادم اذا لاحك عطش لا ترجه گطرة ماي ظل عطشان أثوب لو متت عطشان اِشرب من عرگ جسمك لو جسم الاِبصفك هاي مشكلتك مو اِنتم رفاق وأكثراِمن اِخوان ردنه اِنصيح جاوبنه الصبر فرحان متباهي الصبر بينه وصار صار النه اِبفخر عنوان صحنه اِبصوت نرضه اِبهاي هم اِتهون وأكثر هان خاوينه الحديد وغضبة السجّان واِفرشنه الألم والآه سجّادة سوالف والحچي ديوان سوينه الضلوع أوتار تعزف والونين ألحان وغنينه الألم بالحب أغاني وأطرب السجّان ذب قسوة حياته والوكت ويّاه ورد يعزف طرب بيده وعلى البيبان وي صوت القطار وصوتنه الحسچه فرح بينه القطار ورگصت الركاب هيوه وغنت السچه والسايق دفع مشي القطار وحيل واِختلطت دوي.... تكبير.... صفگه.... اِصياح هوسات.... وغنه.... وترديد وصارت السچه أغاني اويه المحطه ورددن أجمل نشيد ( سنمضي سنمضي الى ما نريد وطن حر وشعب سعيد)