| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

حسن حاتم المذكور

Smathcor@web.de

 

 

 

الثلاثاء 27/11/ 2007



ســولف النـــه

حســن حاتـم المـذكـور

ولك يـا طيــر الهجـرت الوطـن غصبــاً
سـولف النــــه
شصـار بالديــره شخبــرهـه
شحــال اهلنــه ......؟
........
صـدﮒ عطشـان الفــرات
ويشــرب مـن دمـوع دجلــه
والـوطـن مـا بيـه وطـن
مبيــوﮒ منـــه ... ؟
وبيــه هلـه ... ﭽنهــم هلــه
علــى وجـوهـم لـون الحـزن
فـوﮒ المـذلــه
هـذا جــرحـي البيــه جــرح
يـا طيـر وﭽــر فـوك جـرفــه
وسولـف النــه
شصـار بالديـره شخـبرهــه
شحـال اهلنـــه ......؟
................
ﮔـلـي بشـرايين النخـل بعـده الـدبس
بعـد السنابــل تحت فيـــه ...؟
وعـلـى السطـوح العشــﮓ بعــده
اسـراره خضــره ذيــج هيـــه ... ؟
والـﮕصــب يتنفـس بريـة الجبــل
تـاريــخ خـــوه ... ؟
والنـاي فارش مهجتــه
ينتـظـر جيـة ربـابـه مـن الجنـوب
وتنسـحن روحــه عشـك
ويــه لـون خــدهـه ... ؟
ﮔـلــي هــذا الـﭽان بينــه
بعــده بينـــه...
لـو صفــه جنـازة سـوالف ...؟
شــﮕـﮓ الريــه بـواﭽــي
وسولف النـه
شصـار بالديـره شخبرهـه
شحـال اهلنـــه ... ؟
............
بعـده النجـم حـلو بسمـانــه
هلال عيـد وفرحــه جايب
وصـافيـه النيات عـدنــه
والمـوده تفيـض بـﮕـلوب الحبايب
والنـاس تشتاﮒ البعضـهـه
تتـعاضـد بـوكت المصايب ... ؟
ﮔـلـي هـذا الـﭽـان بينـه... بعـده بينـه..؟
لـو وكتنــه نــدار بينــه ... ؟
و صـار اثـــر
مـا يسوه حتـى النشـد عنــه ...؟
هـاك روحـي رمـاد دخنـهه ﭽـكاره
وسـولف النــــه ..
شصــار بالديــره شخبـرهـه
شحــال اهلنــــه ... ؟
..............
شـﮕــد حـزن بـﮕلـوب اهلنـــه
ﭽم طفـل مـا نشفت الدمعـه علـى خــده
اشـﮕــد امهـات النـاس دفنـن
ودعــن ...
للمالهـن ضنــه برجعتــه
ﭽـم عـزيز مـن الحضـن بـاﮔـوه غـفـلـه
وطفـوا بعمــره شمعتـــه ... ؟
بنـات سـومــر يـا حسافـــه
ســـر حسنهـن هربنــه
بسـوك الشمـاتــه رخصنـــه
وهنــه ذاك السـومــري
مـا باس خدهـن
صيــر خنجــر
ومشـي فـوﮒ جـروح ﮔلبــي
وسـولف النــه ...
شصـار بالـدير شخبرهـه
شحـال اهلنـه ... ؟
........
صـدﮒ يـا طيــر العـراق
نبـاﮒ بـأهلــه ... وقسمـوه
حصـه هـذا ... وحصـه ذاك ... ؟
ومـا بـﮕـه بالـديـره ربلــه
تـواسـي العطشـان شـوﮔـه
تـبـلـلــه شـوفــة هلــه ...؟
......
عتـذرت دمـوعــه بـواﭽــي
وجـاوبتنــي دمـوع دمعــه
وصـرخــة بـﮕـايــه مـن العمــر
ورمـاد شمعـــه ... وﮔـالــي ...
نبـاﮒ ونبـاع العــراق
ومـا بـﮕـــه عـنــوان الك
فـرفحـت روحــي وبـﭽـت
بعـيــون بـرهــان
نـكتــل عطشــان
ودمــوع السلـف
تسـﮕـــي الطـوايف
...
خـذنــي يـا طيــر علـى جنحــك
خلهــم يـوزعــون روحــي
حصــه هـذا ... وحصـه ذاك
حالهــه حـال العــراق
الدنيــه مـا تسـوه عـﮕـب ذاك العـراق
لا تسمعنــي سـوالف
لا خبــر عــن ديـرتــي
ولا عــن هلــي
النـامــوا وضـاع العـراق
وقسمــوه
حصــه هـذا ... وحصــه ذاك


27 / 11 / 2007
 


 

Counters