| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

حسن حاتم المذكور

Smathcor@web.de

 

 

 

الأحد 24/8/ 2008



ليتنـا معكـم لنفـوز فـوزاً ... !!! ؟

حسن حاتم المذكـور

بـدريـه (ام ﭼـمالـه) مـن مدينـة الثـورة ... تلك المدينـة التي اغتصبت مرتين ’ وبعـد ان طلقهـا الكافـر مشكوراً مـن مغتصبهـا القائـد الآول عنصريـاً ... اغتصبهـا القـائـد الثاني فـي ليلـة زفاف مذهبـي ... بدريـة ام لثلاثـة اولاد وابنـة ’ فقدت زوجهـا عبـود (ابو ﭼـمالـه) فـي مجزرة الغرق الجماعي في جسر الأئمـة ’ لا يهـم ان كان عبود قـد فقـد حياتـه ويتـم اطفالـه ورمـل زوجتـه واثكـل امـه غرقـاً عاديـاً ام استشهـاداً ام انتحاراً عفويـاً ’ الأهم كما يقول حكماء المذهب : انه ومع مـن سبقه ومن سيلحقون به احياء عند ربهم يرزقون ’ وحيث ان الصبـرعلى الفقـر فضيلـة ... فالعارون فـي الدنيـا هـم الكاسون يـوم القيامـة .
الأيتام : المتوسط منهم والأصغرمع اختهـم يبيعون قناني الببسي والكولا وعلب اخرى في شارع الكرادة ’ واذا مـا اقتربو مـن السيارات المزدحمـة يشتمهـم بعض اصحابهـا .
ـــ عيب عليك لا تنعـل (تشتـم) ابونــه .
ــــ امشي .. ولي عـن وجهـي .
ــــ بـس لا تـنعــل ابونــه .
ـــ ليش ما تروحون للمدرسـه مـو احسن الكـم ’ سايحين بالشوارع ... ؟
ـــ احنــه ابونـه شهيـد ولازم نشتغـل ونساعـد امنـــه ....
يتأسف السائق ثـم يعتذر ويشتري بعض العلب ويدفـع السعر احيانـاً مضاعفـاً .
ــــ عمـي هـاي فلوسك الباقـي .
ـــ اتركهـه الكـم ولدي ... مـع السلامـة ’ ثـم يغادر .
بدريـه (ام جمالـه) التي تبلغ مـن العمـر (39) عامـاً يبدو عليهـا وكأنهـا قد تجاوزت الستين ’ منفعلـه خائفـة كارهـة للبعـض مـن جيرانهـا ومعارفهـا ’ تشكوهـم الى اللـه العالم مـا فـي القلوب .
ـــ الناس ما عدهـم رحمـه ’ شسوي انـه ’ راح الشتـه ومـا شتريت للجهال بطانيات وراح يجي الصيف ومـا عدهـم بنكـه (مروحـة) ... ولدي ضاعوا ’ سايحين بالشوارع تحت هل الشمس ’ لا هـم لمدارسهـم ولا هـم يلعبون ويفرحـون مثـل جهال عباد اللـه ... اللـه ينتقـم مـن هـل الناس ما يعرفون غيـر الغيبـه والكـرش ... وين رايحـه .. منين جايـه ... شتسوين ... ؟؟؟؟ احلف الهـم ’ خالـه اللـه كفيلكـم اشتغـل على باب اللـه انـه وبني الجبيـر(12) سنـه عمره ’ ﭼـا مـرة الشهيـد غير يساعوهـه .. اشو السيـد جان يوميه واﮔـف النـه بالباب ’ مـن مات ابو جمالـه لهل يوم ما نشـد ولا شفنـه ﭼـهرتـه ... اللـه لا يطيهـم ’ يتمـوا الجهـال ودولبونـي ’ ذبونـي بحـلـﮓ الجـوع وشماتـة الما عدهـم بخت .
ـــ ام جمالـه شنهـو ما عوضتكـم الحكومـه ... ؟
ــــ خويـه اللـه وكيلك ’ سمعنـه ومـا شفنـه ... يجوز ﭼـذبوا علينـه لو يضحكون على حالنـه ... لـو صرفوهـه منـاه ولغفوهـه منـاه ’ خالـه ذولـه الكتلوا ابو ﭼـمالـه ويتمـوا الجهال ما بـﮕـلوبهـم رحمـه ’ مسلمتهـم بيـد اللـه .
ـــ بـدريـه يمه اذكـري ربـﭻ وحمـديـه ’ ابـو ﭼـمالـه شهيـد وهو هسـه يـم المعصومين باللجنـه ’ مـا سمعتي السيـد شـﮕـال علواه الناس كلهـه مثلـه ...!!!!
ثـم نحبت ام عبـود وكأنهـا تتقيئ آخـر قطعـة مـن رئتهـا .
ادري يمـه .. غيـر مـن ضيمـي وضيـم هليتامــه وحجـي الناس المـا بكلوبهـم رحمـه .. ثـم بكت ...

فـوزاً عظيمــا ... !!!

طـفـوك شـمـعـه بـيـا بـخـت ... ؟
.... عـبـود ﮔـلـي
لـيـش يـتـمـت الـجـهـال ورمـلـتـنـي ..؟
.....................
آخ يـا سـمـﭼــة شـواطـي ... بلا ﮔـلـب
تـمـشـي عـلـى ريــحـة مـوتـهــه
مـشـدوهـه ومـضـيـعـه الـدرب
تـنـشـد شـبـﭻ صـيـادهـه
نـصـادت ومـا تـدري لـيـش ... ؟
نـبـاعـت ومـا تـدري لـيـش ... ؟
بـس تـدري خــرده
بـجـيـب دلال الـسـيـاسـه
ومـوتـهـه ظــل بـيـنـه مـوت
وانــه ذابـحـنـي الـهـضــم
ربـعـك مثـل خـيـط الـنـمـل
تــايهـه بجــرف الـسـؤال
ﮔــلـوب عـمـيــه
ومــا يـشـوفـونـك جــواب
..............
ابـو ﭼـمـالــه ﮔـلــي
الـيـا سـبـب رحـت مـن اديـنــه
ذولــه بـيـاعــة بـخـت ... طـفـوك بـيـنـه
وصـدﮔــتـهـم حـاسـديـنـك ... ؟
هـيـه لـو بـيـهـه حـواري
..... وﭼــم صـبـي
ﭼـان سـيـد نـه ثـردهـه
ومـا نـشـد عـبـود ويـنـــه
.................
عـبـود لـو شـفـت ابـو الـيـمــه
فـدوه سـلـم لــي عـلـيـــه
بـوس كـل مـعـصـوم يـمـــه
... وبــوس اديــــه
ﮔـلــه بـدريـه عـلـى بـاب الـلـــه
بــدرابـيـن الـشـمـاتــه
دمــوع بـسـطـيـــه ..
وسـمـل غـيـرة وطـن
نـاشـفـه عـلـى خـدود صـبـري
ونـتـه يـا عـبـود يـتـمـت الـجـهـال ورمـلـتـنـي
....................
عـبـود هـاك دمـوعـي ودمـوع الـيـتـامــه
شـيـلـهـه بـعـبـرة وطــن
بـﭼــيـهـه بـعـيـون ابـو الـيـمــه
ﮔـلــه صـبـرك ... مـا خـلـص بـيـه الـصـبـر ... ؟
كـلـهـه بـيـاعــة ضـمـيـر
ومــا بـﮕــه بـيـنـاتـهـه ذاك الـيـشــور
.................
هـــذا يــا ديــن الـيـوزع الـمـوت لـلـجـوعـان مـوت...؟
هــذا يـا مـذهـب هـويـتـــه
اشـﮕـــد ارامـــــل ... ؟
وفـوﮔـــهـه كــومــة يـتـامــــه
مـذهـب اهــل الـبـيـت ... ؟
لا ولـلـه حـشـاهــم
ادري ابـو الـيـمــه بعـد روحــي حـﭼـاهـه
لــو صــار جـوع النـاس زلـمـه
ﭼــا كـتـلـتــــه
...................
عـبـود يـا شـيـال حـمـلـي والـدلـيـل
مـن يـﭼـلـﭼـل لـيـلـنـه بـحـزنـه الـثــﮕـيـل
شـمـوع طـاريـك ضـوانـــه
ولـو عـطـشـنـه لـشـوفـتـك
نـتـغـرغـر ويــه الـشـوﮒ بـأسـمـك
انـتـه بـﮕــلـوب الـجـهـال
بـعـمـر بـدريــه يـظـل سـهـران جـرحـك
آخ يـا بــو ﭼـمـالـه جــرحـك
مــا يـنـام بـلـيـل جـرحــي
وبـيـك حـيـرنـي الـسـؤال
اشـدولـبـك يـتـمـت عـمــري ... ؟
ويـتــمـت بـيـه الـجـهـال
ورمـلـتـنـي


24 / 08 / 2008
 


 

free web counter