كتابات أخرى للكاتبة على موقع الناس

 

الأثنين 4/4/ 2011

صــوت الجــوع للشاعر : عبد الاخوة التميمي فاطمة العراقية قصيدة للشاعر الراحل والمناضل الوطني المعروف عبد الاخوة التميمي وقد نظمها عام 1976 بمناسبة الحادي والثلاثين من اذار في ذلك العام بمناسبة الذكرى الثانية والأربعين لتاسيس الحزب الشيوعي العراقي لقد تعرض الشاعر الراحل ابو نزار الى شتى صنوف الملاحقة والاعتقال والسجن الانفرادي بسبب نشاطه الوطني المعادي لانظمة الاستبداد والدكتاتورية  . يبو حيل وعمر من شفتك هلال العيد هليت مسحت دم الغروب وليل شكيت او دست فوك المنايا وما تجنيت او علمت المصايب درس من جيت يا صرخة شعب ياحومة البيت يا جالي المنية ويافهد صيت ويا بيرغ شعبنة وماتطويت يا هرش الكبر بالبر تربيت ويا نجمة جدي ولتاه دليت اكللك جا شكلك ..يبو حلو الاسامي ياحلو اسمك يسمونك ديالكتيك ..وبعد شكثر يسمونك يسمونك سلام خير ..وبعد شكثر يسمونك يسمونك الدنية اشما زهتلك ماتهز طبعك يبو طبع الدرس تاريخ .. والتاريخ تالي اتعلم اطباعك بيو هواية سوالف يبو اسرار الدفنهه تراب فرسانك يبو كل الفرح شانك يبو كل الحزن ..يابو فلان وفلان يبو حجي الصدك واكثر يبو طويل العمر واكثر يبو حيل اليجر بحيل يبو آه تحفر من آه يبو حمل اليتامى وكلف كل ممشاه يبو درب الطويل بطول صوت اعداه يبو عزم اللوه الصوتين وتعداه ينوماس النشامة وكل شهم يرجاه يبو كل هل الوصف واكثر دوه جروحك ملح وحزامك امجمر واناشد بيك خلكك ,,انته شنته شكلك والمن ...؟؟!! بزغت باذار متعني المن انت موعد ...انته شنته .؟؟ انت كعدت خمسة ستة انت تقرير بهرش كلبي دفنته وانته سالوفة قهر ترسم صبرنة وانته طرادة كصب يلعبرتنه انته شنته ..انته شنته . انت سر الكون ياصرخة شعب ياهذا انت ..