حنيــــني للمظـفــــــرفاطمة العراقية
وصفولي عنك شايل شكابين
من طيب العراق
وجنت كل ليلك تزف
شموع وافراح وغنى لكل
الرفاق
كالولي عنك تحن غربة
وضيم واوجاع وصبر
وكالولي عنك شال منك غيض
مكروه الطواري
الما...يحب لمة اهلنا
وينتحس لمن يجي اسمك
يا حلو اسمك يالمظفر
بالشعر بالفخر يا زهو العمر
********
وانت انت الابد ماطخ
وما شرب ماي الكدر
ننتظر جيتك علينة .
ونكول اكرب يالبعيد
وكافي لوعات وقهر
تطك بينا الروح فرحة
وناخذ من الليل صبحه
لان انت العيد ..واليوم الجديد
وانت سكتات الخواطر بينا
سكته
وكلنا نلهج يا لمظفر
بس تعال اشما تريد
وكول بينا اشما تريد
واحنا هم عشنا الليالي
وياك تاريخ ودهر
وشلون دار الزمن دورة
تبخرت كل الا ماني
واخذت سنين العمر
واعزازنا وعمرك
ياغالي
ودنيانا صارت مثل ذاك
الكال
جبر سلمها لجبر .5-5-2011