ضياء حميو
dia1h@hotmail.com
الجمعة 29/8/ 2008
سرّك انتَ
"حزب فهد"ضياء حميو
حمل سرّه ، ونگل جدمه
اتعلگ بچبد السمه !ّ
گلنه : هونك !
ندري بيك اشگد وكح..!
وندري نجمات الصبح ،شرّگت وي ريح أوكح!
وندري سرك
بجبهة المتعوب..
وي شحيح الخبز بيد اطفالنه ، ماي وملح
وندري ..ندري
أواكحينه ، وردنه نحسبه عدل !
چم خسارة ، وچم جرح!؟
وتاه وياك الحساب ومااجتْ.
هي العيون التنشدك ماتهيد
تدري بيك شگد عنيد
چم خساره ، چم ربح!!؟
تفرفح لسابع سمه !
وتنزل تصيح ( انت ربح )