كتابات أخرى للكاتب على موقع الناس

 

السبت 23/8/ 2008

الرايه الحمرة ضياء حميو "الى صديق..شيوعي ، حقيقي " هزني الشوگ ! گلت أسأل اشلونك! مزاجك، صحتك، نومك !؟ غصّتْ عبرتك ، طفح بيك الكيل؟ لو عندك نديم الكاسك بهل الليل ؟ عونك عل البُعد..عونك ! لايرهم دوه ولايرهم العطّاب. تحسبهن عدل لو تاه الحساب؟ لاباچر مهم ولايهم يومك ! يافضوة خيال الجامح من اسنين ومسرّح شراعك وي هوه الطيبين ومعانِد أبد دومك تتعثر، تصد، وتعدل الخطوات وترد ونرد،يامصعب الزلات لكن شيمتك دونك راس المال ياكل خبزة المسكين أزماته گشرمايرهم التسكين هونك يالتشك ،هونك! نسترشد " براس المال" * ونشوف الصدگ وينه ؟! خبزتنه نگسمهه عدل ،وتوفي تكفينه. باچرنه حتم وتشوفه بعيونك هزني الشوگ ! گلت أسأل اشلونك! منهو الي نزف مثلك ولاهان؟ چاكوچك صلب ، وبمنجلك نيشان ياريحة " فهد "** ياونة التعبان حمره رايتك تتغير الألوان وانته ، وياذهب صافي أبد لونك   * رأس المال: كارل ماركس ** فهد: يوسف سلمان