|  الناس  |  المقالات  |  الثقافية  |  ذكريات  |  المكتبة  |  كتّاب الناس  |
		الأثنين  18 / 8 / 2014                                                العيداني مصطفى                                          كتابات أخرى للكاتب على موقع الناس
		قناة البصرة الفضائية العيداني مصطفى هنا البصرة هنا عروس الخليج ورونق العراق (بس التراب سواها ملحة كلش) هنا الطيبة هنا الاصالة هنا الثروات (وربكم كلشي ما محصلين من الثروة) (بس الحسد) هي قلب البلد النابض (بس دكاتهة قلت مو مثل قبل) لا يخفى على الجميع مدى حب اهل العراق لهذه المدينة المكافحة (مو مكافحة مال ايام صدام) (لا اقصد مجاهدة ضد الطغاة) ولكل مواطن عراقي ذكرى بصرية او صديق بصري يحمل معه اهات وشجون وهموم البلد الجريح . منذ تغيير النظام وولادة الديمقراطية الحديثة (والله كلاوات) الكثير من المسؤولين تسنموا مناصب عديدة في هذه المحافظة ولغاية ختام هذه الكلمات (العنجوكية) لا زلنا نمني النفس بأن نرى واحد قلبه يحترق على البصرة بشكل حقيقي متناسي حزبه وقوميته وطائفيته ويعمل لمصلحة المحافظة كونها غنية بالكثير من الموارد لكن ,,,!!!! قبل سنتين تقريباً عزم (مو عزيمة مال اكل لا يعني بلش بالشغل) بأنشاء فضائية البصرة والتي من المفترض ان تكون حالياً منطلقة في البث الفضائي كون البصرة لا تمتلك فضائية رسمية تعنى بهموم ومشاكل المواطن (الله يساعده على الهموم) ناهيك عن نقل الوجه المشرق (هاي اذا اكو وجه مشرق ويبشر بخير) للمحافظة .. الحدث غير المتوقع (والي اجه صفح وخربت الشغلة) هو نشوب العديد من الخلافات ما بين الشركة التي تريد تشغيلها والمحافظة من جهة اخرى ( وتاهت علينا السالفة ) (وبس نسمع عدنة فضائية وماك وشي ارض الواقع) وهذه نتيجة كل مشروع غير مخطط له (وما مشتغلينة عدل) بكل تأكيد سيعاني من الارهاصات العديدة والتي تربك (تخرب) العمل فبدلاً من ان تنطلق القناة خلال سنة (ههههههههههههه) ستتأخر الى (ما نعرف شوكت ربك يفرجهة علينة) كان من الاجدر بالقائمين عليها تجاوز كل الخلافات ( هي الخلافات السياسية محد تجاوزها تردون هاي الشغلة تفض سلامات) ما نريده من هذه القناة ان لا تكون (صباغة درجة اولى) للمسؤول حالها حال العديد من الفضائيات التي تحاول بأي طريقة ( تتلوك) للمول او للجهة السياسية فربما اليوم المسؤول موجود غداً غير موجود فعليهم العمل بكل موضوعية لعلنا ننعم بفضائية جديدة نشعر ببصريتها فعلياً وامتداها لنخيل الفاو ومياه شط العرب.. رباط السالفة (انتظروا الفيديو الكليب الجديد على فضائية البصرة (مرينا بيكم حمد ) غناء المطرب الشهير دعبول انتاج مؤسسة الما أدري منو للأنتاج الفني)
	Since 17/01/05.  web counter