كتابات أخرى للكاتب على موقع الناس

الأربعاء 6/1/ 2010

أغاني ... عبدالباقي فرج ــ 1 ــ باب شلون أسد باب التجيني منها ريح ؟ وآنه قلبي الباب أو قلبج الريح ! هو قلب زغير وبلمسة أنامل شع ضواه فرد ْ جنحانه محبه عشك كل الناس بس محد هواه مومثل كلّ القلوب ! هو من وصلة سما ورقـّة بريسم هو من أجمل ورد مرسوم بس عيبه وفاه ـــ 2 ـــ أحلام البنات لون البحر والســما أحلام البنيات وما بين بحر وسـما عيونهن نجمات وگلوب لون الورد مرسومة بـمرايـــات *** من يمر أسم الحلو تتنهد الكلمات وبشفاف مثل الجمر أتضوّي البسمات يا طيف بين الجفن والعين ردت تبات ! *** ياليل مرّ بهده لتفزز البوسات حلمانه بين الحلو البثياب بيض وورد أوبينها خطوات ! ـــ 3 ـــ يا شاغلي بس أنت البخاطـري وشاغلني الشاغلك وسنين عمري انذرت شمعات الخاطرك يلگلبي رفّ بس ألك او بس عليك ينوح مرمرته وك بالهجر وما يوم اهو هاجرك يا ريت يا شاغلي تهجر بقايا الروح خليها تطفه بهده صدكني وك عاذرك ـــ 4 ـــ غريب غريب ومـن بعد كل ذاك الفراك أردن لأصدقائي هواي مشتاك أرد مـشـــتـاك للي جانو زغار لهلي مشــتـاك والله لعتبة الباب أرشـّهـا بذكريات تخضر عتاب غـريب ومن بعد كل ذاك الفراك أرد ردود افرك روحي علناس وباب الصديق الغيبوه ياس غـريـب ومن بعد كل ذاك الفراك أرد ردود انشد وين العراك ؟ كوبنهاجن