| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

أسامه عبدالكريم

 

 

 

 

الثلاثاء 19/2/ 2008



 حكومة التـكـنوبـيـروقراطـيـة !

أسامة عبد الكريم

صعدت (ام تسواهن ) عتبة الدرج الى سطح البيت ,حاملة في يدها عصا وقطعة قماش ابيض اللون .
قـلت: شسوين فوك السطح يامره!؟ .
ام تسواهـن : تعال ساعدني ,اريد اخلي راية الله بيضه على صحن الدش , مو ناذره نذر راح تشكل حكومة وحدة وطنية بلا محاصصة.. حكومه تكنوقراطّيه و يسترنه من الشماته وفدائي صدام !!
قـلت : لاتخليـن البيرغ على الـدش مو تطلع الصورة بيضه ..وبعدين ما نعرف منو هذا وزير الاوقاف واختصاصه عالم بالاقتصاد,لو وزير الصناعة اختصاصة مهندس بالري .. وكل الوزراء الجدد راح يحجون باليوناني و يطلعون على شاشة التلفزيون لابسيـن قوط بيض مثل الاشباح !!!.
ام تسواهن : انت دومك تنتقد حكومة المالكي سلبياً .. هالمهره خفف شويه.. راح يصيرعدنه حكومة تكنوقراطية !
قـلت : اويلي يابه.. خلو جلمة ( تكنوقراطية ) بحلكها ... بعد الله ما يجرعها ..بعد شويه تحجين يوناني !!.. شوفي يامره .. تشكيل الحكومة الجديد ( تكنوقراطية ) لازم تكون مختاره من وزيرات و وزراء علمانيين.. امفتحين باللبن , وكل واحد حامل شهادة التخصص العلمي بالامتياز التطبيقي وحسن السيرة العملية الناجحة الى جانب الكفاءة الإدارية والولاء للوطن , وعلى رئيس الوزراء نوري المالكي ان لا ينجر للضغوطات من دول الجوار , ولا داخل الائتلاف من اجل تعيين فلان لسد الحقائب الوزارية .. ولا على حسابات شخصية هذا ابن اختي لو ابن عمي لو من جماعتنه .. وعلى ترنيم ه: يا ويلاد الملعب , خلي وليدي يلعب , واذا ما تخلوه, تره أخرب الملعب. يعني كلشي ما سوينه . نفس حكومة المحاصصة بس عالمقلم!! قصدي حكومة بيروقراطية !..
شوفي ام تسواهن ..وآخرته الامريكان هم يريدون حصة الاسد من تعويضات الحرب وشوية بقشيش من نفطاتنه بدون قواعد عسكرية .!
واحنه لازم نتفق ونعتمد في ترتيب البيت العراقي ..والا نصير مثل سالفة الثوران .. فد يوم طلع الاسد يتمشه بالغابة شاف ثورين يتناطحون بكَرونهم وصعب الدخول بيناتهم ,راح الاسد يقره غزاله باذآن الثور وماخذه على صفحه , وبعدين راح على الثور الثاني مقدمله نصيحه ووعد الاسد ياخذ الشور من راسه (الثور) , ومن انفك النزاع بين الثوريـن ,
الاسد هجم عليهـم.. بـيـش ابلشت ؟؟ .. وافـترسهـم اثـنينهـم.
 

Counters